2019-20 இடைக்கால நிதிநிலை அறிக்கை சிறப்பம்சங்கள்

நிதி அமைச்சகம்

2019-20 இடைக்கால நிதிநிலை அறிக்கை சிறப்பம்சங்கள்

2019-20 இடைக்கால நிதிநிலை அறிக்கை சிறப்பம்சங்கள்

மத்திய நிதி, பெருநிறுவனங்கள் விவகாரம், ரயில்வே & நிலக்கரித்துறை அமைச்சர் திரு. பியூஷ் கோயல் நாடாளுமன்றத்தில் 01.02.2019 தாக்கல் செய்த 2019-20ஆம் ஆண்டுக்கான இடைக்கால நிதிநிலை அறிக்கையின் சிறப்பம்சங்கள் வருமாறு:-

புதிய அறிவிப்புகள்

விவசாயிகள்

• பிரதமரின் கிஸான் திட்டத்தின் கீழ் 12 கோடி சிறு மற்றும் குறு விவசாயிகளுக்கு ஆண்டுக்கு 6,000 ரூபாய் வருமானம் கிடைக்க உத்தரவாதம்.இத்திட்டத்திற்காக 2019-20 நிதியாண்டில் ரூ.75,000 கோடி ஒதுக்கீடு.
• 2018-19 திருத்திய மதிப்பீட்டில் கூடுதலாக ரூ.20,000 கோடி ஒதுக்கீடு
• ராஷ்ட்ரிய கோகுல் இயக்கத்திற்கான ஒதுக்கீடு ரூ.750 கோடியாக அதிகரிப்பு.
• பசுமாடுகளின்நீடித்த இனவிருத்தி மேம்பாட்டிற்காக ராஷ்ட்ரிய காமதேனு ஆயோக் அமைப்பு ஒன்று உருவாக்கப்படும்.
• 1.5 கோடி மீனவர்களின் நலனுக்காக மீன்வளத்துக்கென தனித்துறை உருவாக்கப்படும்.
• கால்நடை வளர்ப்பு மற்றும் மீன்வளர்ப்பில் ஈடுபட்டுள்ள விவசாயிகளின் கடனுக்கு 2% வட்டி தள்ளுபடி ; கடனை குறித்த காலத்தில் திருப்பிச் செலுத்துவோருக்கு கூடுதலாக 3 சதவீத வட்டி சலுகை.
• பேரிடர் காலத்தில் வழங்கப்படும் 2 சதவீத வட்டி தள்ளுபடி, தற்போது திருத்தியமைக்கப்பட்ட கடன் காலம் முழுவதற்கும் வழங்கப்படும். 
• 22 வகையான பயிர்களுக்கு அவற்றின் உற்பத்திச் செலவை விட குறைந்த்து 50% கூடுதல் விலை கிடைக்கும் வகையில் குறைந்தபட்ச ஆதரவு விலை நிர்ணயம்.
• கடந்த 5 ஆண்டுகளில் வட்டி தள்ளுபடி 2 மடங்கு அதிகரிப்பு.
• மண்வள சுகாதார அட்டை, வேப்பஞ்சாறு தடவிய யூரியா உரம் போன்றவை வேளாண் துறையில் பெரும் மாற்றத்தை ஏற்படுத்தியுள்ளன.

 தொழிலாளர்

• அமைப்பு சாரா தொழிலில் ஈடுபட்டுள்ள 10 கோடி தொழிலாளர்களுக்கு நிலையான மாதாந்திர ஓய்வூதியம் கிடைப்பதை உறுதி செய்ய பிரதமரின் ஷ்ரம் யோகி மான்தன் திட்டம்
• மாதம் ரூ.100/55 என்ற குறைந்த அளவிலான பங்களிப்பைச் செலுத்தும் தொழிலாளர்கள் 60 வயதை கடந்த பிறகு மாதம் ரூ.3,000 ஓய்வூதியமாக வழங்கப்படும்.
• வேலை வாய்ப்புகள் விரிவாக்கம் ; தொழிலாளர் வருங்கால வைப்புநிதி சந்தாதாரர் எண்ணிக்கை 2 கோடி அதிகரிப்பு
• அனைத்து வகை தொழிலாளர்களுக்கும் குறைந்தபட்ச வருமானம் கடந்த ஐந்தாண்டுகளில் 42% உயர்வு.

சுகாதாரம்

• 22ஆவது எய்ம்ஸ் மருத்துவமனை ஹரியானாவில் அமைக்கப்படும்.

மகாத்மா காந்தி தேசிய ஊரக வேலை உறுதி திட்டம்

• 2019-20ல் மகாத்மா காந்தி தேசிய ஊரக வேலை உறுதி திட்டத்திற்கு ரூ.60,000 கோடி ஒதுக்கீடு.

நேரடி  வரிகள்

• ஆண்டுக்கு 5 லட்சம் ரூபாய் வரையிலான வருமானத்திற்கு முழு வரி விலக்கு.
• நடுத்தர வருவாய் பிரிவைச் சேர்ந்த 3 கோடி வரி செலுத்துவோருக்கு ரூ.23,000 கோடிக்கு மேல் வரிச்சலுகை.
• வருமானவரிக்கான நிரந்தரக் கழிவுத்தொகை ரூ.40,000-லிருந்து ரூ.50,000-ஆக உயர்த்தப்படும்.
• வங்கி / அஞ்சலக முதலீடுகள் மூலம் வட்டியாக பெறப்படும் தொகைக்கு வரிச்சலுகை பெறுவதற்கான உச்சவரம்பு ரூ.10,000-லிருந்து ரூ.40,000-ஆக அங்கீகரிக்கப்படும்.
• தற்போதுள்ள வருமானவரி வீதங்கள் தொடரும்.
• சொந்த உபயோகத்திற்கு பயன்படுத்தப்படும் 2-ஆவது வீட்டிற்கான நியாயமான வாடகைக்கும் வரிவிலக்கு. வீட்டு வசதி மற்றும் ரியல் எஸ்டேட் துறைகளுக்கு ஊக்கமளிக்கப்படும்.
• மாத சம்பளம் பெறுவோர் செலுத்தும் வீட்டு வாடகைக்கான வரிச்சலுகைக்கான உச்சவரம்பு ரூ.1,80,000-லிருந்து ரூ.2,40,000-ஆக உயர்த்தப்படும்.
• ஒரு சொந்த குடியிருப்புக்கான முதலீடு மூலம் பெறப்படும் ஆதாயங்களுக்கான சலுகை 2 வீடுகள் மூலம் கிடைக்கும்        ரூ.2 கோடி வரையிலான தொகைக்கும் நீட்டிக்கப்படும்.
• குறைந்த முதலீட்டிலான வீடு வாங்குவோருக்கு, வருமானவரிச் சட்டம் 80 IBA-யின் கீழ் வழங்கப்படும் வரிச்சலுகை 2020 மார்ச் 31 வரை நீட்டிக்கப்படும்.
• நியாயமான வாடகை, விற்பனை செய்யப்படாத தளவாடங்களுக்கான வரி விலக்கு காலம், ஓராண்டிலிருந்து 2 ஆண்டுகளாக நீட்டிக்கப்படும்.

 நிதித் திட்டங்கள்

• 2019-20-க்கான நிதிப்பற்றாக்குறை மொத்த உள்நாட்டு உற்பத்தி வீதத்தில் 3.4%ஆக இருக்கும்.
• 3% நிதிப்பற்றாக்குறை என்ற இலக்கு 2020-21-ல் எட்டப்படும்.
• 7 ஆண்டுகளுக்கு முன் 6%ஆக இருந்த நிதிப்பற்றாக்குறை 2018-19 திருத்திய மதிப்பீட்டில் 3.4%ஆக குறைக்கப்பட்டுள்ளது.
• அரசின் மொத்த செலவீனம் 2019-20 பட்ஜெட் மதிப்பீட்டில் 13% அதிகரித்து ரூ.27 லட்சத்து 84 ஆயிரத்து 200 கோடியாக உள்ளது.
• 2019-20 பட்ஜெட் மதிப்பீட்டில் மூலதன செலவினம் ரூ.3,36,292 கோடியாக மதிப்பிடப்பட்டுள்ளது.
• மத்திய நிதியுதவியுடன் கூடிய திட்டங்களுக்கான ஒதுக்கீடு      2019-20-ல் ரூ.3,27,679 கோடியாக அதிகரிக்கப்பட்டுள்ளது.
• தேசிய கல்வி இயக்கத்திற்கான ஒதுக்கீடு 2019-20-ல்  20% அதிகரிக்கப்பட்டு ரூ.38,572 கோடியாக அதிகரிக்கப்பட்டுள்ளது.
•  ஒருங்கிணைந்த குழந்தைகள் வளர்ச்சி திட்டத்திற்கான ஒதுக்கீடு 2019-20-ல் 18% அதிகரிக்கப்பட்டு ரூ.27,584 கோடியாக நிர்ணயிக்கப்பட்டுள்ளது.
• ஷெட்யூல்டு வகுப்பினர் மற்றும் ஷெட்யூல்டு பழங்குடியினருக்கான ஒதுக்கீடும் கணிசமாக அதிகரிக்கப்பட்டுள்ளது.
• 2018-19ல் ரூ.56,619 கோடியாக இருந்த ஷெட்யூல்டு வகுப்பினருக்கான ஒதுக்கீடு 35.6% அதிகரிக்கப்பட்டு 2019-20-ல் ரூ.76,801 கோடியாக நிர்ணயிக்கப்பட்டுள்ளது.
• 2018-19-ல் ரூ.39,135 கோடியாக இருந்த ஷெட்யூல்டு பழங்குடியினருக்கான  ஒதுக்கீடும் 28% அதிகரிக்கப்பட்டு 2019-20-ல் ரூ.50,086 கோடியாக நிர்ணயிக்கப்பட்டுள்ளது.
• பங்கு விலக்கல் மூலம் ரூ.80,000 கோடி திரட்டுவது என்ற இலக்கை அடைய முடியும் என அரசு நம்புகிறது.
• கடன் ஒருங்கிணைப்பை நிதிப்பற்றாக்குறையுடன் ஒருங்கிணைக்கும் திட்டத்திற்கு அரசு கவனம் செலுத்தும்.

 ஏழை மற்றும் பிற்படுத்தப்பட்ட வகுப்பினர்

“நாட்டில் உள்ள வளங்களை பயன்படுத்துவதற்கான முதல் உரிமை ஏழைகளுக்குத்தான் உண்டு” : நிதியமைச்சர்

• பொருளாதார ரீதியாக பின்தங்கியவர்களுக்கான 10 சதவீத இடஒதுக்கீட்டை செயல்படுத்த கல்விநிறுவனங்களில் கூடுதலாக 25% இடங்கள் உருவாக்கப்படும்.
• நகர்ப்புற – கிராமப்புற இடைவெளியை ஈடுகட்டவும், கிராமங்களில் உள்ள மக்களின் வாழ்க்கைத்தரத்தை மேம்படுத்துவதற்கும் இலக்குடன் கூடிய செலவீனம்
• மின்சார வசதியை பெற விரும்பும் அனைத்து வீடுகளுக்கும் 2019 மார்ச்சுக்குள் மின் இணைப்பு வழங்கப்படும்
• பொருளாதார ரீதியாக பின்தங்கியவர்களுக்கு கல்வி நிறுவனங்கள் மற்றும் அரசு வேலைவாய்ப்பில் 10% இடஒதுக்கீடு.
• சௌபாக்யா திட்டத்தின்கீழ் அனைத்து வீடுகளுக்கும் இலவச மின் இணைப்பு.
• உலகின் மிகப்பெரிய சுகாதார காப்பீட்டுத்திட்டமான ஆயுஷ்மான் பாரத் சுமார் 50 கோடி மக்களுக்கு பயனளிக்கும்.
• மிகவும் பின்தங்கியிருந்த 115 மாவட்டங்களின் மேம்பாட்டிற்கு, விருப்ப மாவட்டங்கள் திட்டம்.
• 2018-19-ல் ஏழை மற்றும் நடுத்தர வகுப்பினருக்கு உணவு தானியங்களை குறைந்த விலையில் வழங்க 2018-19-ல் ரூ.1,70,000 கோடி செலவு.
• தனியார் துறை ஒத்துழைப்புடன் 143 கோடி எல்இடி மின் விளக்குகள் விநியோகம்.
• எல்இடி விளக்குகளின் பயன்பாட்டால் ஏழை & நடுத்தர வகுப்பினருக்கு ஆண்டுக்கு ரூ.50,000 கோடி வரை சேமிப்பு
• ஆயுஷ்மான் பாரத் திட்டத்தின்கீழ் 10 லட்சம் நோயாளிகள் இலவச சிகிச்சைப் பெற்றுள்ளனர்.
• ஏழை மற்றும் நடுத்தர வகுப்பினருக்கு மருந்துப் பொருட்கள் குறைந்த விலையில் கிடைக்க ஏதுவாக மக்கள் மருந்தக திட்டம்
• 2014 முதல் அறிவிக்கப்பட்ட 21 எயம்ஸ் மருத்துவமனைகளில் தற்போது 14 மருத்துவமனைகள் செயல்பாட்டிற்கு வந்துள்ளன.
• பிரதமரின் கிராமச்சாலை திட்டத்தின் கீழ், அமைக்கப்படும்  கிராமப்புற சாலைகளின் அளவு மும்மடங்காக அதிகரிப்பு.
• 17.84 லட்சம் குடியிருப்புகளில் 15.80 லட்சம் குடியிருப்புகளுக்கு முறையான சாலை இணைப்பு
• பிரதமரின் கிராம சாலை திட்டத்திற்கு 2018-19 திருத்திய மதிப்பீட்டில் ரூ.15,500 கோடி ஒதுக்கப்பட்ட நிலையில், 2019-20-ல் ரூ.19 ஆயிரம் கோடியாக நிர்ணயம்.
• 2014-18 காலக்கட்டத்தில் பிரதமரின் வீட்டுவசதி திட்டத்தின்கீழ் 1.53 கோடி வீடுகள் கட்டப்பட்டுள்ளன.

 வடகிழக்கு

•  2018-19 நிதி ஒதுக்கீட்டில் 21% அதிகரிக்கப்பட்டு 2019-20-ல் ரூ.58,166 கோடியாக நிர்ணயம்
• அருணாச்சலப்பிரதேச மாநிலம் அண்மையில் விமான போக்குவரத்து வசதியை பெற்றுள்ளது.
• மேகாலயா, திரிபுரா மற்றும் மிசோரம் மாநிலங்கள் முதன்முறையாக இந்தியாவின் ரயில்வே வரைப்படத்தில் இணைக்கப்பட்டுள்ளன.
• பிரம்மபுத்திரா ஆற்றில் போக்குவரத்து வசதியை மேம்படுத்தி சரக்குப்போக்குவரத்து தொடங்கப்படும்.

 ஒடுக்கப்பட்ட பிரிவினர்

• இதுவரை அடையாளம் காணப்படாத சீர் மரபின நாடோடிகள் மற்றும் நாடோடி பழங்குடியினரை அடையாளம் காண நிதி ஆயோக்கின் கட்டுப்பாட்டில் புதிய குழு ஒன்று உருவாக்கப்படும்.
• சீர் மரபின நாடோடிகள் மற்றும் நாடோடி பழங்குடியினர் மேம்பாடு மற்றும் நலனுக்காக சமூக நீதி மற்றும் அதிகாரமளித்தல் துறையின் கட்டுப்பாட்டில் புதிதாக நலவாழ்வு மேம்பாட்டு வாரியம் ஒன்று உருவாக்கப்படும்.

 பாதுகாப்பு

• முதன் முறையாக ராணுவத்திற்கான ஒதுக்கீடு ரூ.3,00,000 கோடியை தாண்டியுள்ளது.

 ரயில்வே

• 2019-20 நிதிநிலை அறிக்கையில் மூலதன ஆதரவு ரூ.64,587 கோடியாக நிர்ணயிக்கப்பட்டுள்ளது.
• ஒட்டுமொத்த மூலதனச் செலவு ரூ.1,58,658 கோடியாக இருக்கும்.
• 2017-18-ல் 98.4%-ஆக இருந்த செயல்பாட்டு செலவீனம் 2018-19 திருத்திய மதிப்பீட்டில் 96.2%ஆகவும், 2019-20 நிதி நிலை அறிக்கையில் 95%ஆகவும் இருக்கும்.

 பொழுதுபோக்கு தொழில்

• இந்திய திரைப்படத் தயாரிப்பாளர்கள் ஒற்றைச் சாளர அனுமதியைப் பெறவும், படப்பிடிப்பை எளிதாக்கவும் நடவடிக்கை.
• தாமாக முன்வந்து வருவாயை தெரிவிக்க ஒழுங்குமுறை விதிகள்  உருவாக்கப்படும்.
• திருட்டு வீடியோவை தடுக்க திரைப்பட சட்டங்களில் புதிய பிரிவுகள் சேர்க்கப்படும்.

 குறு, சிறு, நடுத்தர தொழில் மற்றும் வணிகர்கள் நலன்

• ஜிஎஸ்டி சட்டத்தில் பதிவு செய்த சிறு மற்றும் நடுத்தர தொழில்துறையினர் பெறும் ரூ.1 கோடி வரையிலான கடனுக்கு 2% வட்டி தள்ளுபடி.
• சிறு மற்றும் நடுத்தர தொழில் நிறுவனங்களிடமிருந்து 25%
• அளவிற்கு கொள்முதல் செய்யப்படும் அரசு அமைப்புகளுக்கு தேவைப்படும் பொருட்களில் 3% பெண்களால் நடத்தப்படும் நிறுவனங்களிடமிருந்துதான் வாங்கப்படுகிறது.
• உள்நாட்டு வர்த்தகத்திற்கு மீண்டும் முன்னுரிமை ; தொழில் கொள்கை மற்றும் மேம்பாட்டுத்துறை, தொழில் மேம்பாடு மற்றும் உள்நாட்டு வர்த்தகத்துறை என பெயர்மாற்றம் செய்யப்படும்.
• ஒரு மணி நேரத்திற்குள் ரூ.1 கோடி வரை கடன் வசதி பெற ஏற்பாடு.
• அரசு மின்னணு சந்தை திட்டத்தால் சராசரியாக 25%-28% சேமிப்பு.

 டிஜிட்டல் கிராமங்கள்

• நாட்டில் உள்ள 1 லட்சம் கிராமங்கள் அடுத்த ஐந்தாண்டுகளில் டிஜிட்டல் கிராமங்களாக மாற்றப்படும்.

 பிற முக்கிய அறிவிப்புகள்

• செயற்கைப் புலனாய்வுக்கான தேசிய  திட்டத்திற்கு உறுதுணையாக செயற்கைப் புலனாய்வு நுழைவாயில் ஒன்று புதிதாக ஏற்படுத்தப்படும்.

2014 -2019 சாதனைகள்

பொருளாதார நிலை

• கடந்த 5 ஆண்டுகளில் உலகப்பொருளாதாரத்தில் இந்தியா சிறப்பான இடத்தைப் பெற்றுள்ளது.
• “2014-19 காலக்கட்டத்தில் நாட்டின் பேரியல் பொருளாதார நிலைத்தன்மையில் நாடு முக்கிய கட்டத்தை எட்டியுள்ளது” – நிதியமைச்சர்.
• 2013-14ல் உலகின் 11-ஆவது பெரிய நாடாக இருந்த இந்தியா தற்போது 6-வது பெரிய நாடாக உருவெடுத்துள்ளது.
• 2014-19 காலக்கட்டத்தில் நாட்டின் வருடாந்திர மொத்த உள்நாட்டு உற்பத்தி வளர்ச்சி சராசரி, 1971-க்குப்பிறகு அமைந்த எந்த ஆட்சியிலும் இல்லாத வகையில் அதிகரித்துள்ளது.
• நாட்டின் அச்சாணியை சீர்குலைக்கும் வகையில் இருந்த பணவீக்கம், 2009-14 காலக்கட்டத்தில் மேம்படுத்தப்பட்டுள்ளது : நிதியமைச்சர்.
• இதற்கு முன் எந்த ஆட்சியிலும் இல்லாத வகையில் நாட்டின் சராசரி பணவீக்கம் 4.6%-ஆக குறைந்துள்ளது.
• 2018 டிசம்பரில் பணவீக்கம் 2.19% அளவிற்கு குறைக்கப்பட்டது.
• ஏழாண்டுகளுக்கு முன் 6% ஆக இருந்த நிதிப்பற்றாக்குறை 2018-19ல் திருத்திய மதிப்பீட்டில் 3.4% ஆக குறைக்கப்பட்டது.
• 6 ஆண்டுகளுக்கு முன் மொத்த உள்நாட்டு உற்பத்தியில் 5.6%ஆக இருந்த நடப்புக்கணக்கு பற்றாக்குறை இந்த ஆண்டு 2.5% ஆக உள்ளது.
• கடந்த 5 ஆண்டுகளில் 239 பில்லியன் டாலர் அளவிற்கு அந்நிய நேரடி முதலீடுகளை இந்தியா பெற்றுள்ளது.
• “இந்தியப் பொருளாதாரம் மீண்டெழுந்து, வளர்ச்சி மற்றும் வளம் என்ற இலக்கை நோக்கி சென்றுக்கொண்டிருக்கிறது” - நிதியமைச்சர்
• உலகில் வேகமாக வளரும் மிகப்பெரிய பொருளாதார நாடாக இந்திய உருவெடுத்துள்ளது.
• இரட்டை இலக்க பணவீக்கம் கட்டுப்படுத்தப்பட்டு நிதிச்சமன்பாடு மீட்டெடுக்கப்பட்டுள்ளது.
• அந்நிய நேரடி முதலீட்டுக் கொள்கைகள் தளர்த்தப்பட்டு, பெருமளவிலான அந்நிய நேரடி முதலீடுகள் தானியங்கி முறையிலேயே வருகின்றன.

 மகளிர் மேம்பாடு என்ற நிலையிலிருந்து மகளிர் தலைமையில் மேம்பாடு

• உஜ்வாலா திட்டத்தின்கீழ் 6 கோடி இலவச சமையல் எரிவாயு இணைப்பு வழங்கப்பட்டுள்ளது ; அடுத்த ஆண்டுக்குள் 8 கோடி குடும்பங்களுக்கும் எரிவாயு இணைப்பு.
• முத்ரா கடனில் 70% பெண்களுக்கு வழங்கப்பட்டுள்ளது.
• பேறு கால விடுப்பு 26 வாரங்களாக நீட்டிப்பு.
• பிரதமரின் மாத்ரு வந்தனா திட்டத்தின் கீழ் கர்ப்பிணி பெண்களுக்கு நிதி உதவி

இளைஞர் நலன்

• பிரதமரின் கவுசல் விகாஸ் திட்டத்தின் கீழ் 1 கோடிக்கும் மேற்பட்ட இளைஞர்களுக்கு திறன் பயிற்சி.
• முத்ரா. நிமிர்ந்திடு இந்தியா மற்றும் தொடங்கிடு இந்தியா திட்டங்களின் கீழ் சுய வேலைவாய்ப்பு ஊக்குவிப்பு

வருமான வரி

• 2013-14ல் ரூ.6.38 லட்சம் கோடியாக இருந்த வரி வசூல் கடந்த ஐந்தாண்டுகளில் இரு மடங்கு அதிகரிப்பு இந்த ஆண்டு ரூ.12 லட்சம் கோடியாக உள்ளது.
• 3.79 கோடியாக இருந்த வரிச்செலுத்துவோர் எண்ணிக்கை கடந்த ஐந்தாண்டுகளில் 80% அதிகரித்து 6.85 கோடியாக உள்ளது.
• வரி நிர்வாகம் சீரமைப்பு – கடந்த ஆண்டு தாக்கல் செய்யப்பட்ட வருமானவரி கணக்குகளில் 99.54% ஏற்றுக்கொள்ளப்பட்டன.
• வரி செலுத்துவோருக்கு உகந்த நடைமுறையை மேம்படுத்த தொழில்நுட்ப முனைப்புத் திட்டம் செயல்படுத்தப்பட்டு, கடந்த 2 ஆண்டுகளாக வருமானவரி கணக்குகள் 24 மணி நேரத்தில் பரிசீலிக்கப்பட்டு, திருப்பி அளிக்க வேண்டிய தொகை உடனடியாக வழங்கப்பட்டது.
• நடுத்தர வகுப்பினருக்கு இதற்கு முன் வழங்கப்பட்ட சலுகைகள் –
• அடிப்படை வரி விலக்கு உச்சவரம்பு ரூ.2 லட்சத்திலிருந்து ரூ.2.5 லட்சமாக உயர்வு
• ரூ.2.5 லட்சம் முதல் ரூ.5 லட்சம் வரையிலான வரிக்கட்டமைப்பு உள்ளவர்களுக்கான வரி 10%லிருந்து 5% ஆக குறைப்பு
• மாத ஊதியம் பெறுவோருக்கான நிரந்தர கழிவுத்தொகை ரூ. 40,000.
• 80 சி பிரிவின் கீழ் சேமிப்புகளுக்கான வரிச்சலுகை உச்சவரம்பு ரூ.1 லட்சத்திலிருந்து ரூ.1.5 லட்சமாக அதிகரிப்பு.
• சொந்த பயன்பாட்டில் உள்ள வீட்டு கடனுக்கான வட்டிக்கான சலுகை வரம்பு ரூ.1 லட்சத்திலிருந்து ரூ.2 லட்சமாக அதிகரிப்பு.
• சிறு தொழில்கள் மற்றும் புதிதாக தொடங்கப்படும் தொழில்களுக்கு ஏற்கெனவே வழங்கப்பட்டு வரும் சிறப்பு சலுகைகள் மற்றும் ஊக்கத்தொகைகள் –
• ஒட்டுமொத்த நடைமுறைகளும் எளிதாக்கப்பட்டுள்ளன.
• தொழில்களுக்கான உத்தேச வரிவிதிப்பு வரம்பு ரூ.1 கோடியிலிருந்து ரூ.2 கோடியாக  உயர்வு.
• உத்தேச வரிவிதிப்பின் பலன்கள் முதன் முறையாக சிறிய அளவிலான தொழில்துறையினருக்கும் விரிவுபடுத்தப்பட்டு, இதற்கான உச்சவரம்பு ரூ.50 லட்சமாக நிர்ணயம்.
• குறைந்த அளவிலான ரொக்க பரிமாற்ற பொருளாதாரத்தை ஊக்குவிக்கும் வகையில், உத்தேச லாப விகிதம் 8%-லிருந்து   6%-ஆக குறைப்பு.
• 99% தொழில் நிறுவனங்களுக்கான வரி விதிப்பு 25% அளவிற்கு குறைக்கப்பட்டுள்ளது.

ஜிஎஸ்டி

• சரக்கு மற்றும் சேவை வரி இந்தியாவை பொது சந்தையாக மாற்றியுள்ளது.
• ஜிஎஸ்டி காரணமாக வரி வருவாய்க்கான அடித்தளம் அதிகரித்திருப்பதோடு, வரி வருவாய் அதிகரித்து வர்த்தகமும் எளிமைக்கப்பட்டுள்ளது.  
• மாநிலங்களுக்கு இடையிலான சரக்குப் போக்குவரத்து விரைவாகவும், மிகவும் திறமையாகவும் பிரச்சினைகள் இல்லாமலும் நடைபெற்று வருகிறது.  
• தினமும் பயன்படுத்தக் கூடிய பொருட்களுக்கான வரி பூஜ்யம் சதவீதம் முதல் ஐந்து சதவீதம் என்ற அளவிற்குள் குறைக்கப்பட்டுள்ளது.

வர்த்தகர்கள் மற்றும் சேவை அளிப்போருக்கு உதவி

• 40 லட்சம் ரூபாய் வரை சிறு வியாபாரம் மேற்கொள்பவர்களுக்கு ஜிஎஸ்டி வரியிலிருந்து விலக்கு
• 1.5 கோடி ரூபாய் ஆண்டு வருமானம் சிறு வர்த்தகத்திற்கு ஒரு சதவீதம் மட்டுமே வரி விதிக்கப்படும்.  இந்தப்பிரிவில் வருவோர் வருடத்திற்கு ஒருமுறை வரிப்படிவம் தாக்கல் செய்தால் போதுமானது.
• சிறு சேவைகள் மூலம் 50 லட்சம் ரூபாய் வரை ஆண்டு வருமானம் ஈட்டுபவர்கள் 18 சதவீதத்திற்கு பதிலாக 6 சதவீதம் ஜிஎஸ்டி செலுத்தினால் போதும்.
• ஜிஎஸ்டி வரி செலுத்தும் 90 சதவீதம் பேர் 3 மாதங்களுக்கு ஒருமுறை வரி செலுத்தும் படிவம் தாக்கல் செய்வது விரைவில் அறிமுகப்படுத்தப்படும்.
• நடப்பு நிதியாண்டில் ஜிஎஸ்டி வரி வசூல் சராசரியாக 97 ஆயிரத்து 100 கோடி ரூபாயாக உள்ளது.  இது, ஜிஎஸ்டி அமல்படுத்தப்பட்ட ஆண்டு இருந்த 89 ஆயிரத்து 700 கோடி ரூபாயை விட கூடுதல்.

கட்டமைப்பு

சிவில் விமானப்போக்குவரத்து – உடான் திட்டம்

• செயல்பாட்டில் உள்ள விமானநிலையங்களின் எண்ணிக்கை 100-ஐ தாண்டியுள்ளது.
• அண்மையில் சிக்கிமில் பாக்யாங் விமான நிலையம் திறக்கப்பட்டுள்ளது.
• உள்நாட்டு விமான பயணிகளின் எண்ணிக்கை கடந்த 5 ஆண்டுகளில் இரட்டிப்பாகியுள்ளது.

சாலைகள்

• உலகிலேயே நெடுஞ்சாலை மேம்பாட்டில் விரைந்து செயல்படும் நாடு இந்தியா.
• ஒவ்வொரு நாளும் 27 கிலோமீட்டர் நெடுஞ்சாலைகள் அமைப்பு.
• தடைப்பட்டுக் கிடந்த தில்லியைச் சுற்றியுள்ள கிழக்குப்புற நெடுஞ்சாலை மற்றும் அசாம் அருணாச்சலப் பிரதேசத்திற்கான போகிபில் ரயில் மற்றும் சாலைப்பாலம் முடிக்கப்பட்டுள்ளது.

நீர்ப்போக்குவரத்து

• கடலோரப் பகுதிகளில் சாகர்மாலா திட்டம் செயல்படுத்தப்படுகிறது.
• முதல் முறையாக கொல்கத்தாவிலிருந்து வாரணாசிக்கு நீர்வழிப் போக்குவரத்து மூலம் சரக்குப் பெட்டக போக்குவரத்து துவக்கப்பட்டுள்ளது.

இரயில்வே

• இந்திய ரயில்வே வரலாற்றில் இந்த ஆண்டு பாதுகாப்பானது.
• அகல ரயில்பாதையில் இருந்த அனைத்து ஆளில்லா லெவல் கிராங்சிகுகள் அகற்றப்பட்டுள்ளன.
• உள்நாட்டிலேயே உருவாக்கி தயாரிக்கப்பட்ட அதிநவீன வந்தேபாரத் விரைவு எக்ஸ்பிரஸ் ரயில் அறிமுகம்.

பருவநிலை மாற்றம்

சர்வதேச சூரிய சக்தி கூட்டமைப்பு

• புதுப்பிக்கத்தக்க எரிசக்தியை மேம்படுத்துவது.
• இந்தியாவை தலைமையிடமாக கொண்டு செயல்படும் சர்வதேச மற்றும் அரசுகளுக்கு இடையிலான சூரியசக்தி அமைப்பு.
• கடந்த ஐந்தாண்டுகளில் சூரியசக்தி உற்பத்தி 10 மடங்கு அதிகரிப்பு
• இந்தத் துறையில் லட்சக்கணக்கான புதிய வேலை வாய்ப்புகள்

டிஜிட்டல் இந்தியா புரட்சி

• குடிமக்களுக்கு பல்வேறு சேவைகளை அளிக்க 3 லட்சத்திற்கும் அதிகமான பொதுசேவை மையங்கள்
• மொபைல் டேட்டா பயன்பாட்டில் உலகில் இந்தியா முன்னிலை வகிக்கிறது.
• கடந்த 5 ஆண்டுகளில் மொபைல் டேட்டா மாதாந்திர நுகர்வு 50 சதவீதம் அதிகரிப்பு
• இந்தியாவில் தயாரிப்போம் திட்டத்தில் செல்பேசி மற்றும் அதற்குண்டான பாகங்கள் தயாரிக்கும் நிறுவனங்கள் 
• 2-லிருந்து 268-ஆக உயர்வு, ஏராளமான வேலைவாய்ப்புகள் உருவாக்கம்.

மக்கள் நிதி – ஆதார் – கைபேசி மற்றும் நேரடி பயன் பரிமாற்றம்

• கடந்த 5 ஆண்டுகளில் 34 கோடி ஜன்தன் வங்கி கணக்குகள் துவக்கம்.
• ஆதார் திட்டம் முழுமையாக செயல்பாடு
• இடைத்தரகர் இல்லாமல் நலத்திட்ட உதவிகள் பயனாளிகளின் வங்கிக் கணக்கில் நேரடியாக சேர்ப்பு.

சுங்கம் மற்றும் எல்லையோர வர்த்தகம்

• சுங்கம் மற்றும் எல்லையோர வர்த்தகம்
• 36 மூலதன பொருட்களுக்கு சுங்கவரி நீக்கம்
• இறக்குமதி மற்றும் ஏற்றுமதி வர்த்தகம் மின்னணு மயமாக்கப்பட்டுள்ளது.

ஊழலுக்கு எதிரான நடவடிக்கைகள்

• ஊழலை ஒழிக்க முற்றிலும் வெளிப்படைத் தன்மை
• ரேரா மற்றும் பினாமி சட்டம், ரியல் எஸ்டேட் துறையில் வெளிப்படைத்தன்மையை கொண்டுவந்துள்ளது.
• தப்பியோடும் பொருளாதார குற்றவாளிகள் சட்டம் 2018, பொருளாதார குற்றவாளிகளின் சொத்துக்களை பறிமுதல் செய்ய வழி ஏற்படுத்தியுள்ளது.
• நிலக்கரி மற்றும் அலைக்கற்றை ஒதுக்கீடுகள் வெளிப்படைத் தன்மையுடன் ஏலம் விடப்பட்டுள்ளது.   

கருப்புப் பணத்திற்கு எதிரான நடவடிக்கை

• கருப்பு பண சட்டம், தப்பியோடும் குற்றவாளிகள் சட்டம் மற்றும் பணமதிப்பிழப்பு நடவடிக்கைகள் மூலம் கணக்கில் காட்டப்படாத ஒரு லட்சத்து 30 ஆயிரம் கோடி ரூபாய் வருமானம் கண்டுபிடிக்கப்பட்டு, வரி வரம்புக்குள் கொண்டுவரப்பட்டுள்ளது.
• பினாமி சொத்துகள் 6900 கோடி ரூபாய் கைப்பற்றப்பட்டுள்ளது.
• நேரடி வரி வருவாய் வளர்ச்சி 18 சதவீதமாக உயர்வு

வங்கி சீர்திருத்தங்கள், நொடித்துப் போன மற்றும் திவால் குறித்த விதிகள்   

• நொடித்துப் போன மற்றும் திவால் குறித்த விதிகள், இது தொடர்பான பிரச்சினைகளை சுமூகமாகத் தீர்க்க உதவியுள்ளது.
• தொலைபேசி வங்கி சேவை கலாச்சாரத்தை அரசு முடிவுக்கு கொண்டுவந்துள்ளது.
• அங்கீகாரம், தீர்வு, மறு மூலதனம் மற்றும் சீர்திருத்தங்கள் என்ற நான்கு கோட்பாடுகளை அரசு கடைபிடிக்கிறது.
• நேர்மையான வங்கியை உறுதி செய்வதற்கான நடவடிக்கைகளை அரசு உறுதிசெய்துள்ளது.
• வங்கிகளுக்கு உண்டான 3 லட்சம் கோடி ரூபாயை அரசு ஏற்கனவே வசூலித்துள்ளது.
• பொதுத்துறை வங்கிகளில்  மறுமூலதனத்தில் அரசு 2.6 லட்சம் கோடி ரூபாயை மூலதனம் செய்துள்ளது.

தூய்மை

• மகாத்மா காந்தியின் 150-வது ஆண்டு தினத்தையொட்டி தூய்மை இந்தியா இயக்கத்தை மத்திய அரசு துவக்கியது.
• தூய்மை இந்தியா இயக்கத்தை ஒரு தேசிய புரட்சியாக மாற்றியதற்கு 130 கோடி இந்தியர்களுக்கு நிதியமைச்சர் நன்றி.
• கிராமப்புற சுகாதாரம் 98 சதவீத அளவை எட்டியுள்ளது.
• 5.45 லட்சம் கிராமங்கள் திறந்தவெளி கழிப்பிடத்திலிருந்து விடுதலை.

பாதுகாப்பு

• ஒரே பதவி – ஒரே ஓய்வூதியம் முழு உத்வேகத்துடன் செயல்படுத்தப்பட்டு, ஏற்கனவே 35 ஆயிரம் கோடி ரூபாய் விநியோகிக்கப்பட்டுள்ளது.
• ராணுவ சேவை படி உயர்வு.

2019-20 இடைக்கால பட்ஜெட்டின் முக்கிய அம்சங்கள்

• 2022 ஆம் ஆண்டு வாக்கில் புதிய இந்தியாவை நிர்மாணிப்பது.
• தூய்மையான மற்றும் ஆரோக்கியமான இந்தியாவை உருவாக்குவது அனைவருக்கும் குடிநீர், மின்சாரம், கழிப்பிட வசதிகள் அனைத்தும் அளிப்பது.
• விவசாயிகளின் வருமானத்தை இரட்டிப்பாக்குவது.
• இளைஞர்கள் மற்றும் பெண்களின் கனவுகளை நனவாக்க வாய்ப்புக்கள்.
• பயங்கரவாதம், மதவாதம், ஜாதீய வாதம், ஊழல் இல்லாத சுதந்திரமான இந்தியாவை உருவாக்குவது.
• அடுத்த 10 ஆண்டுக்கான தொலைநோக்கு திட்டம்.
•  கடந்த 5 ஆண்டுகளில் இந்தியாவின் வளர்ச்சி மற்றும் மேம்பாட்டிற்கான அடித்தளம் அமைக்கப்பட்டது.
• அடுத்த 5 ஆண்டுகளில் இந்தியப் பொருளாதாரம் 5 டிரில்லியன் டாலர் பொருளாதாரமாக உயரும்.
• அதற்குப்பின், 8 ஆண்டுகளில் இந்தியப் பொருளாதாரத்தை 10 டிரில்லியன் டாலர் பொருளாதாரமாக மாற்ற முன்முயற்சி எடுப்பது.
• 2030-ஆம் ஆண்டு இந்தியாவுக்கான தொலைநோக்கு பார்வை
• இந்தியா நவீன தொழில்நுட்ப, உயர்ந்த வளர்ச்சி மற்றும் சமத்துவ, வெளிப்படையான சமூக அமைப்புடன் திகழும்.
• மக்கள் எளிதாக வாழ தேவையான உள்கட்டமைப்பு மற்றும் சமூக கட்டமைப்பு வசதிகளை ஏற்படுத்துவது.
• மின்னணு இந்தியாவை உருவாக்க அரசு செயல்பாடுகளை மின்னணு மயமாக்குவதற்கு இளையோர்களை பயன்படுத்துவது.
• மின்னணு வாகனங்கள் மற்றும் புதுப்பிக்கத்தக்க எரிசக்தி மூலம் செயல்படும் போக்குவரத்து வசதிகளை ஏற்படுத்தி, இந்தியாவை மாசு இல்லாத நாடாக மாற்றுவது.
• நவீன மின்னணு தொழில்நுட்பங்களை கிராமப்புற தொழில்மயமாக்கலில் பயன்படுத்தி பெருமளவு வேலைவாய்ப்புகளை உருவாக்குவது. 
• தூய்மையான ஆறுகள், அனைத்து இந்தியர்களுக்கும் பாதுகாப்பான குடிநீர் மற்றும் நுண்ணீர் பாசனம் மூலமாக நீர்வளத்தை திறமையாகப் பயன்படுத்துவது.
• சாகர்மாலா திட்டத்தை முனைப்புடன் செயல்படுத்துவது, கடலோர மற்றும் கடல் நீரை இந்தியாவின் மேம்பாடு மற்றும் வளர்ச்சிக்குப் பயன்படுத்துவது.
• ககன்யான் விண்வெளித் திட்டம் மூலம் உலகில் இந்தியாவை செயற்கைக் கோள் ஏவுதளமாக உருவாக்குவது மற்றும் 2022 ஆம் ஆண்டுக்குள் விண்வெளியில் இந்திய விண்வெளி வீரரை பயணிக்கச் செய்வது.
• உணவு உற்பத்தியில் இந்தியாவை தன்னிறைவு அடையச் செய்வது உலக உணவு தேவையை பூர்த்தி செய்ய ஏற்றுமதி செய்வது மற்றும் ரசாயன உரங்கள் பயன்பாடு இல்லாமல் உணவு உற்பத்தி செய்வது.
• ஆயுஷ்மான் பாரத் மூலம் ஆரோக்கியமான இந்தியாவை உருவாக்குவது, பெண்கள் தங்களது பாதுகாப்பு மற்றும் அதிகாரமளித்தலுக்கு ஏற்ப சம உரிமைகளைப் பெறுவது.
• இந்தியாவை குறைந்தபட்ச அரசு - அதிகபட்ச நிர்வாகம் மாற்றுவதோடு பொறுப்புள்ள சாதகமான வகையில் செயல்படும் அதிகாரவர்க்கத்தை ஏற்படுத்துவது.