மெய்நிகர் தேசியக் கண்காட்சி

பாரத் பர்வ் என்ற மெய்நிகர் தேசியக் கண்காட்சி

குடியரசு தினவிழாவை முன்னிட்டு, ‘பாரத் பர்வ்’ என்ற தேசியக் கண்காட்சியை, மத்திய அரசின் சுற்றுலாத்துறை, தில்லி செங்கோட்டை வளாகத்தில் கடந்த 2016ம் ஆண்டு முதல் நடத்திவருகிறது. ஜனவரி 26ம் தேதி முதல் ஜனவரி 31ம் தேதி வரை நடைபெறும் இந்நிகழ்ச்சியில், பல மாநிலங்களின் கலாச்சாரம், சுற்றுலாத் தலங்கள், கைவினைப் பொருட்கள், உணவுகள் ஆகியவற்றை சித்தரிக்கும் அரங்குகள் அமைக்கப்பட்டு, கலை நிகழ்ச்சிகள் நடக்கும்.

கொவிட் தொற்று சூழல் காரணமாக இந்தாண்டு, பாரத் பர்வ் நிகழ்ச்சியை மெய்நிகர் மூலம் மத்திய சுற்றுலாத்துறை நடத்துகிறது.

இந்த கண்காட்சியில், தேசிய ஒலிபரப்பு நிறுவனமான பிரசார் பாரதி தனது அரங்கத்தை அமைக்கிறது.  தனது நிகழ்ச்சிகள் மூலம் ஒரே பாரதம், உன்னத பாரதம் என்பதை வெளிப்படுத்தும். மெய்நிகர் அரங்கத்தின் காட்சி கீழே இணைக்கப்பட்டுள்ளது.

பதிப்பகப் பிரிவும், இந்த மெய்நிகர் கண்காட்சியில் பங்கெடுக்கும். இதில் கலை, கலாச்சாரம், வரலாறு, பாரம்பரியம் குறித்த புத்தகங்கள், நவீன இந்தியாவை உருவாக்கியவர்களின் வாழ்க்கை வரலாறுகள், ஒரே பாரதம், உன்னத பாரம் தொடர்களின் புத்தகங்கள் இடம் பெறும். 

மகாத்மா காந்தியின் 150வது பிறந்த தின கண்காட்சியில் இடம் பெற்ற போட்டோக்கள், வீடியோக்கள், அனிமேஷன், ஆகியவற்றை பாரத் பர்வ் நிகழ்ச்சிக்கு, மத்திய தகவல் தொடர்பு அமைச்சகத்தின்  கள தகவல் தொடர்பு அலுவலகம் கொண்டு வருகிறது.  பாரத் பர்வ் நிகழ்ச்சிகளை

www.bharatparv2021.com என்ற இணையம் மூலம் காணலாம்.

இந்த பிரம்மாண்ட நிகழ்ச்சி, நாட்டுப்பற்றையும், நம் நாட்டின் வளமான பன்முக கலாச்சாரத்தையும் பறை சாற்றுவதோடு, இந்தியாவின் சாரம்சத்தைக் கொண்டாடுகிறது.

உலகம் முழுவதும் உள்ள மக்கள், பார்த் பர்வ் நிகழ்ச்சியையும், இந்தியாவின் உண்மையான உணர்வையும் www.bharatparv2021.com என்ற இணையளத்தில் கண்டு மகிழமுடியும்

JOIN TELEGRAM GROUP Click Here