மாற்றுத்திறனாளிகள் நலத்திட்டங்கள் ஒரு தொகுப்பு

மாற்றுத்திறனாளிகளுக்காக அரசு வழங்கும் நலத்திட்டங்கள் ஒரு தொகுப்பு

மாற்றுத்திறனாளிகளுக்காக அரசு வழங்கும் நலத்திட்டங்கள் ஒரு தொகுப்பு

டிசம்பர் 3 சர்வதேச மாற்றுத்திறனாளிகள் தினம் அனுசரிக்கப்படுகிறது. உலகம் முழுவதும் உள்ள மாற்றுத்திறனாளிகளின் பிரச்சனைகளை அறிந்து அவற்றிற்கு தீர்வு காணவும், அவர்களின் வாழ்வை மேம்படுத்தும் உரிமை வழங்கும் நோக்கிலும் இந்த தினம் ஐ.நா. சபையால் அங்கீகரிக்கப்பட்டுள்ளது.

நமது அரசு சிறப்பு குழந்தைகளின் வாழ்க்கையில் நல்ல மாற்றங்களை ஏற்படுத்த பல வகைகளும் உதவி வருகிறது அரசின் திட்டங்கள் மற்றும் அதன் அம்சங்களை நாம் அறிந்து கொண்டால் அந்த குழந்தைகளின் பெற்றோரிடம் இத்திட்டங்கள் குறித்து எடுத்துக்கூறி அவர்களுக்கு வழிகாட்ட இப்பதிவு உங்களுக்கு உதவலாம்.

மாற்றுத்திறனாளி பதிவுப் புத்தகம்

மாற்றுத்திறனாளி பதிவு புத்தகம் என்பது மாற்றுத் திறனாளி என்பதற்கான மருத்துவச் சான்றிதழின் அடிப்படையில் வழங்கப்படும் பதிவுப் புத்தகம். இது தமிழ்நாடு அரசால் வழங்கப்படுகின்ற ஆவணம். நீல நிற அட்டையில் இருக்கும் இது பழைய குடும்ப அட்டை அளவில் இருக்கும். அரசு வழங்கும் பல வகை சலுகைகளைப் பெற இது அடிப்படையான புத்தகமாகும்.

சிறப்புக் குழந்தைகளைப் பொருத்தமட்டில் இந்த புத்தகம் பெற்று இருந்தால் பொது தேர்வு சமயங்களில் வழங்கப்படும் சலுகைகளை பெற தகுதி உடையவர்கள் ஆவர். இந்த அடையாள அட்டை புத்தகத்தை பெற ஒவ்வொரு மாவட்டத்திலும் அமைக்கப்பட்டுள்ள மாற்றுத்திறனாளிகள் நல அலுவலகத்தை அணுகலாம். இதற்கான விண்ணப்ப படிவம் கொடுக்கப்பட்டுள்ளது பயன்படுத்திக்கொள்ளலாம்.

மாற்றுத்திறனாளி அடையாள அட்டை புத்தகத்தைப் பெறுவதற்கான விண்ணப்ப படிவம் இங்கே கிளிக் செய்யவும்

கல்வி உதவித்தொகை

சிறப்பு குழந்தைகளுக்கு அரசு கல்வி உதவித்தொகை வழங்கி வருகிறது.

வகுப்பு	உதவித்தொகை விவரம் (ஆண்டுகளுக்கு)
1 முதல் 5 ம் வகுப்பு	₹.2000
1 முதல் 5 ம் வகுப்பு	₹.6000
1 முதல் 5 ம் வகுப்பு	₹.8000
பட்டப்படிப்பு	₹.12000
முதுகலை பட்டப்படிப்பு	₹.1000

இதற்கு விண்ணப்பிக்கும்போது இணைக்கப்படவேண்டிய சான்றிதழ்களின் விவரம் :-

• பள்ளி / கல்லூரி முதல்வர் கையொப்பத்துடன் விண்ணப்பம்.
• தேசிய அடையாள அட்டை நகல்
• மருத்துவச் சான்றிதழ்
• ஆதார் அட்டை நகல்
• மாணவர் மற்றும் பெற்றோர் பெயரில் உள்ள இணை சேமிப்புக் கணக்கு வங்கி புத்தகத்தின் நகல்.
• முந்தைய ஆண்டில் பெற்ற மதிப்பெண் பட்டியல் (9ம் வகுப்புக்கு மேல் பயிலும் மாணவர்கள் குறைந்தபட்சம் 40 சதவிகிதம் மதிப்பெண் பெற்று இருக்க வேண்டும்)

கல்வி உதவித்தொகை விண்ணப்பத்தை பதிவிறக்க இங்கே கிளிக் செய்யவும்

மாற்றுத்திறனாளிகளுக்கான உதவி உபகரணங்கள்

பல்வேறு குறைபாடு உடைய மாற்றுத்திறனாளிகளுக்கு உதவி உபகரணங்கள் அரசால் இலவசமாக வழங்கப்படுகின்றன.

• மூன்று சக்கர சைக்கிள்கள்,
• சக்கர நாற்காலிகள்,
• கால் தாங்கிகள்,
• ஊன்றுகோல்கள்,
• செயற்கை அவயங்கள் (செயற்கை உறுப்புகள்),
• மூளை முடக்குவாதத்தால் பாதிக்கப்பட்டோருக்குப் பிரத்தியோகமாக வடிவமைக்கப்பட்ட சக்கர நாற்காலிகள்,
• நடைபயிற்சி உபகரணம்,
• மூன்று சக்கர ஸ்கூட்டர்கள்,
• கருப்பு கண்ணாடிகள்,
• பிரெய்லி கைக்கடிகாரங்கள்,
• பார்வை மாற்றுத்திறனாளிகளுக்கு உருப்பெருக்கி மற்றும் ஒளிரும் மடக்கு ஊன்றுகோல்கள்,
• காதொலிக் கருவிகள் உட்பட பல்வேறு உபகரணங்கள் வழங்கப்படுகின்றன.

மாற்றுத்திறனாளிகள் திட்டத்தின் கீழ் பயன்பெற தேசிய மாற்றுத்திறனாளி அடையாள அட்டை மற்றும் மாற்றுத்திறனாளி நல வாரியத்தில் உறுப்பினர்களாகப் பதிவு செய்த அடையாள அட்டை ஆகியவை முக்கியமாகும்.

தேசிய மாற்றுத்திறனாளி அடையாள அட்டை

ஒன்றுக்கு மேற்பட்ட குறைபாடு உடையோருக்கு உதவும் நிப்மெட் (NIEPMD)

Join Social
Join Telegram	Join WhatsApp
Join Facebook	Join YouTube
Join Koo	Join Twitter